BAIT (mureed hona) KYA HE
Allah ta’ala ke marifat hasil karne or us se dosti karne ke liye bait
tariqat lazim he kyuki jub tak koi mureed kamil us raah par nahi
chalayga insaan nahi chal sakta umuman raste ka ustaad rahnuma wahi
banta he jise raste ki oonch neech ka pata hota he
bait Allah
azzawajal ki marifat hasil karne pukhta wada he jo talib kisi Allah wale
ki mojudgi me Allah azzawajal se karta he bait ke liya ahle tasawwuf me
iradat ka lafz istimal hota hejiska matlab irada karna he
irada chuke har amal ka pesh khema hota he isliya irada hoga to talib manzile maqsud ki taraf chalega
irada se muraad sirf tamana ya arzoo rkhna nahi balki muraaad ko pane
ke liya amal pera hojana he taki Allah azzawajal tak pahunchne ki muraad
puri hosake
jo aisa irada karta he wo (mureed ) kahlata he or
mureed jis nisbat ki bina par Allah taa’la ko pane ka irada karta he wo
bait kah lati he
bait be’a se bana he jiska arbi me mana bikna he or humare haan bhii yahi mana mutarif he
goya ki jo sharf e bait se sarfaraz hua usne apne aap ko murshid ke haan farokht kar diya
koi cheez kisi ko pesh ki jati he or uske badle me dusri cheez li jati he to use len den ko be’a ke naam se pukar te he
banda apne galat khayal se taib ( toba karna ) hota he apne tamaam
aa’aza ko ba kushi ba raza Allah taa’la ke hawale kar deta he or Allah
taa’la ki ita’at par kamar basta (kamar badhna) hojata he to uske badle
me Allah azzawajal khush nudi or raza mandi hasil karta he
sawal jawab
(1) sawal: baaz log kahte he ke peer o murshid ki kya zarurat he? kya hidayat ke liya paigambar kafi nahi he ?
jawab: arz he ke jis tarah khuda tak phucne ke liya paigambar ki
zarurat he ase hi rasool (sallallaho alaihe wasallam ) tak pahucne ke
liya peer o murshed ki zarurat he humara nafs kutte ki manind he use
azaad na rahne diya jay balki uske gale me zanjeer daal kar kisi ke
hawale kar de zanjeer me kadiya hoti he aakhri kadi patte me pahli kadi
malik ke haath me hoti he shijra e mashaikh us zanjeer ki kadiya he
jiski pahli kadi huzur sallallaho alaihe wasallam ke dast mubarak me he
or aakhri kadi humare nafs ke gale me he
(2) sawal: kuch log kahte he ke ki mureed hone ka maqsad kya hi or peer ke haath me kyu date hi
jawab : mureed hone ka maqsad Allah taa’la se ahad karna ke Molla me
tera farmabardaar rahunga mager chuke Allah taa’la tak humari rasaai
nahi isliya kisi nek bande ke haath par ye ahad karte he jaise jub
Allah taa’la ko sajda karna hoto kabaa tullah ko samne le kar sajda kar
late he ka’aba qibla e namaz he peer o murshid qibla e ahad o pemaan
he jis tarah badshah ke wazeer se halfe wafadari late he saamne wazeer
hota he aise hi saamne shaikh (murshid) hota he mager halfe or ahad
Allah taa’la se hota he or chuke ahad ke waqt haath bhi milate he isliya
bait karte waqt musrhed ke haath me haath date he
neez mureed ka
haath pakadna esa he jase bijli ka karant ke ager hazaro aadmi ek
dusre ka haath pakde hon or ek aadmi tak karant aa jay to sab me pahuch
jata he ase hi noor e nabuwat ka karant sahaba kiraam (alhemurridwaan)
ne hasil kiya ab qayamat tak ye karant mashaikh kiraam me rahega or unke
muridin apne apne mashaik ke haath se haath mas( milake) kar ke wo
barqi (bijli) roo apne wajood me late rahege
Bait ke Muttalik Farmane Khudawandi Azzawajal
Qurane paak me Allah ta’ala ka farmane aalishan hai.
“yab ta ghuna ila rabbi himul wasilta ayyhum aqrabu wa yar juna rahmatuhu yakhafuna azabah “
Tarjuma : apne Rab ki taraf wasila talash karte hai ke unme konsa Allah
se jyada kareeb tha us se tawssul kare or rehmat e ilaahi ki ummid
rakhte hai or uske azaab se darte hai.
is aayat ki tafsir mein tafsire mualimu’tanzil o tafsere khazin me he
“ma’na yanzuruna ayyuhum aqrabu illallahi fayatawassluna bi “
yani Ayat ke mana ye he ke wo khayal karte he konsa Allah ke jayda kareeb he ke use apna waseela banay
beshak auliya e kiram duniya o akhirat kabr o hashr me apne mutawasilen
ke shafe o madad gaar he , chunache imaam Arif billah sayyedi Abdul
wahab sherani rahamatuulah ahaleh “oubude Mohammediya” me farmate he ”
jo koi kisi nabi ya rasool ya wali ka mutawasil hoga jarur he ke wo nabi
wa rasool o wali uski mushkilo ke waqt tashreef laayge or uski dastgiri
farmayge ”
yahi buzurg farmate he ” tamaam aaima e mujtahidin
parokaro ki shafat karte he or duniya o qabr or hashr har jagah sakhtiyo
ke waqt unki nighedasth farmate he jub tak pulsirat se paar na ho jaaay
( mizanus shariy at ul kubra)
neez farmate he ” beshak sub
peshwao auliya o ulma apne apne parokaro ki shafat karte he or jo unke
parokaro ki rooh nikali he jub munkar nakeer usse sawaal karte he jub
uska hasr hota he jub uska naam e amaal khulta he jub usse hisaab liya
jata he jub uske amal tul te he jub wo poolsirat par chalta he har waqt
har hal me uski nigahbani karte he aslan kisi jagah usse gafil nahi
hote (bahawala fatawa e afriqa s. 135. 136 )
(ya ayyuhal lazena
amanuttaqulaaha wab tagoo ilaihil wasilata wa jahidu fi sabilihi la
allakum tuf lihoon) ( para 4 surah maydha ayat no. 35)
tarjuma : e
imaan walo ‘ Allah se daro or uski taraf wasela dhudho or uski raah me
jihaad karo is umeed par ke falah paao “( kanzul imaan )
is ayat
ki tafseer me hazrat shah waliullah mohaddis e dahalwi rahatullah ahale
farmate he ke yaha wasila se muraad na to imaan he kyuki imaandaro se
to pahle hi khitaab ho raha he or na hi amaal e sawah ,namaz,
roza,jakat,wagerah badni ibadat he kyuki yeh taqwa me shamil he isi
tarah jihhaad bhi murad nahi wo bhi tqwa me shami hain pas waseele se muraad iradat he bait or murshide tariqat he
quran pak me ek bait ka zikr he , chunache Allah ta,laa farmata he
‘innallazeena yubayiunakum annama yubayiunallah yadullaha fauqa aidihim’ (para 26 surahtul fatah ayat no. 10)
tarjama : wo jo tumari bait karte he wo to Allah hi se bait karte he unke haatho par Allah ka haath he (kanzul imaan)
hazrat wasti rahmullah ahale farmate he ke bait dar haqiqat Allah ke
saath maqsud he or darmiyan me wasta e huzur sallallaho ahle wasallam
faqat husul e barqat he yani jis shakh ne nabi Akram sallallaho ahle
wasallam se bait ki usne dar haqiqat Allah se bait ki kyuki haqiqatan ye
bait bait e ilahi he is liya ke huzur sallallaho ahle wasallam ka dast e
mubarak darmiyan me ek wasta he or wo ba manzilah Allah ta’laa ke haath
mubarak ke liya he
baaz mufasrin e kiram ne ayat e mubarka
“watabaah sabeli mananaba ilihe ” ki sharah me likha he ke uska ibtiba
karo jisne mari taraf razu kiya ho or maqame qareeb me pahucha hua ho
is se muraad bait he rab e kareem azzawajal jiski hidayat chahta he
use koi sachha rahnuma miljata he or murshid ke liya wali hona jaruri he
beshak sachhe murshid auliya Allah hi ho sakte he
maloom hua ke
shariyat e mustafa sallallaho ahleh wasallam par kamil amal pera
murshide sadiq ke haath par bait karna bil wasta rasool Allah sallallaho
ahleh wasallam ke dast e aqdas par bait ke mutradif he or rasoolAllah
sallallaho ahleh wasallam ke saath bait karna bait e ala yadullah he
jesa ke khud quran e pak me wajah taur par irshad he
BAIT KE MA’ANA AUR TA’REEF
IMAAM E AHLE SUNNAT AALA HAZRAT SHAH AHMED RAZA KHAN ALAIHIRRAHMA
bait ke mutalliq irshaa farmate hain ki, Bait ke ma’ana hain ‘bik jana ‘.
Log bait bataure rasm karte hain bait ke ma’ana nahin jante . bait use
kehte hain ke hazrat yahya muneeri rehmatullah alaih ke ek mureed dariya
mein doob rahe the hazrat Khizr alaihissalaam zahir huwe aur farmaya
apna haath mujhe do ki tujhe nikaal lu . unke mureed ne arz ki ye hath
hazrat yahya muneeri rehmatullah alaih ke hath mein de chuka hun ab
dusre ko na dunga yaka yak hazrat khizr alaihissalam gayab ho gaye aur
hazrat yahya muneeri rehmatullah alaih zahir huwe aur un mureed ko
nikaal liya [FATAWA AFRICA pg 151]
HAKEEM UL UMMAT HAZRAT QIBLA MUFTI AHMED YAAR KHAN NA’EEMI REHMATULLAH ALAIH
Aap bait ke mutalliq irshaad farmate hain ki, Haqeeqat bait ki yeh hai
ki ALLAH AZZAWAJAL ke naib ke hath par ALLAH AZAWAJAL se iqraar karna
ke hum wafadaar bande rahenge aur is ALLAH ke bande yani apne shaikh ko
is par zamin banana [SHANE HABEEB UR REHMAN]
HAZRAT SHAH ABDUL AZEEZ DEHLWI KA FARMAAN
Aap bait ke bare mein irshaad farmate hain ki mureed apna aqeedat ka
haath murshid ke hath ke sath mun’aqid karta hai aur ye in’eqaad murshud
ke waste se iske murshid ke sath hota hai aur Alaa hazal qayaas yake
baad deegare yeh in’eqaad hazrat ALI KARRAMALLAHU WAJHAHUL KAREEM ke
sath ho jata hai aur ba wasta hazrat ALI radiyAllahu anhu ke is bait ka
in’eqaad hazrat NABI E KAREEM sallAllahu alaihi wa sallam ke sath ho
jata hai [FATAWA AZEEZI pg no; 83]
BAIT KE BARE MEIN HUZOOR GAUSE AAZAM RADIYALLAHU ANHU KA FARMAAN
qutbe rabbani, gause samdani, shehbaze la makaani, qandeele noorani,
sayyedena Gause aazam shaikh abdul qadir jeelaniradiyAllahu anhu irshad
farmaate hain ki, shuru se ALLAH TA’ALA ne roohani tarbiyat ka silsila
isi tarah jaari farmaya hai ek faiz deta hai aur dusra faiz haasil karta
hai jaise Ambiya e kiram alaihissalaatu wassalaam aur unke jaanasheen
phir unke tarbiyat yaafta wa Ala haazal qayaas ye silsila qayamat tak
jari rahega.ba irshade ilahiya na mumkin hai ke KHUDA TA’ALA kisi shakhs
ko tarbiyat ke bagair maqaamate aaliya tak taraqqi de aur na hi us par
koi daleel qaaim ho sakti hai kyunki aksar yahi hua hai ke siwa e shaikh
ke koi shakhs manazile sulook tey nahin kar sakta.phir farmayashaikh ki
khidmato zaroorat us waqt tak alahida nahin hona chahiye jab tak wasool
ilAllah yani manzile maqsood tak na pahunch jaye.[GUNAYYATUTTALIBEEN
pg; 614]
bait ki jarurat
buzurgo ne farmya he ki Allah ta’ala
tak pahuchne ka sab se jayda or sab se asaan or sab se jayda nazdek
rasta ye he or khuda ta’ala ka qanoon bhi is tarah par jari he ki jis
tarah insaan jahir ki khubiyo ko apni hamjinso ke saath mil kar hasil
karta he or ustaad ki shargidi hasil kiye bageir koi fun asani or sahi
tareqe se nahi sikh sakta ! is tarah insaan batini kamalo ko bhi tariqat
ke peer ki bait ke bageir hasil nahi kar sakta ( illah MasahaAllah )
jayse duniya me musafir e Aakhrat ke liya rahbare tariqat ki hazat he !
isliya murshide kamil ki bait ke bagair chara nahi
ilm batini dar
asal ek poshida amr he or poshida amr sach or jhooth sahi or galat me
tameez karna bahut mushkil he ! jaha kahi bade fayde ki umeed hoti he
wahi bade bhari nuksaan ka bi darr he ! jaha khazana hota he waha daku
or chor ka bhi darr hota he or nafs us khazane ka daku or shaitaan uska
chor he ! umuman na wakif log peer or mursheed ke intikaab me galtiya
karte or bila tahqeeq har kis o naqis ka apna rahbar wa hadi bana late
he or khilaaf e sharaf darweshiyo ya duniya parst peero ke daam e fareeb
me aa kar apni qimati jindagi barbaad kar late he! isi liya kisi ke
haath me haath dane se pahle achhi tarah jaach karli jae
